MGA operatiba sa Philippine Drug Enforcement Agency (PDEA) nisikop sa Sabado, Agusto 8, 2020 sa lima ka mga tawo nga nakuhaan og 10,000 ka mga tabletas nga ecstasy nga balor og P17 milyunes sa lalawigan sa Pampanga.

Ang lima ka mga suspek gikiha og kalapasan sa Comprehensive Dangerous Drugs Act of 2002. Ang PDEA agents ug lokal nga kapulisa nisikop sa upat ka mga tawo mga alas 8:20 sa gabii sa Sabado sa San Roque Dau sa Lubao.

Nadakpan giilang sila si Joshua Bautista, 20; William Valencia, 41; Raphy Quibuloy, 30,; ug Patrick Bagang, 35.

Nasakmit gikan sa upat ka mga suspek ang 5,000 ka mga tabletsa nga ecstasy nga gibana-banang dunay street value nga P8.5 milyunes.

Sa laing operasyon sa mga alas 8:38 sa gabii sa Sabado, nasikop sa mga awtoridad si Katrina Mendoza, 36, taga San Roque Dau. 1st Lubao.

Nakuhaan usab si Mendoza og 5,000 ka mga tabletas nga balor og P8.5 milyunes. (TPM, Sunstar Philippines)