Gibana-bana nga moabot sa P36,000 ang nasakmit nga dahon sa Marijuana gikan sa usa ka kanhi IT programmer dihang gikasa ang pag pangronda pasado alas 7:00 sa gabii, Biyernes, Agosto 5, 2022.

Ang dinakpan giila nga si Kenneth Batulan, 25 anyos, taga Sityo Santo Niño, Barangay Guizo, Dakbayan sa Mandaue.

Ang grupo ni Police Major Efren Diaz Jr. hepe sa Parian Police maoy mihimo sa usa ka anti-illegal drug operation.

Atol sa pagpangronda, mga pinutos sa dahon sa marijuana ang nasakmit samtang duna pud mga sticks nga duna nay sulod nga dahon sa marijuana.

Ang suspek miangkon nga matag putos moabot sa P300 ang iyang baligya, apan ang kantidad sa nasakmit gikan kaniya mobalor sa P36,000 subay sa standard drug price. (BBT)