TACLOBAN CITY - Dul-an sa tunga sa milyon nga kantidad sa gituhoang shabu ang nasakmit sa anti-drug operation sa Tacloban City.

Nadakpan sa buy bust operation ang suspek nga si Marc Neil Obias, 18, taga Brgy. 88, Costa Brava, Tacloban City.

Ang operasyon gihimo sa Philippine Drug Enforcement Agency 8 ug kapulisan didto sa Brgy. 76, Fatima Village, ning dakbayan.

Matod sa awtoridad nga bag-ong giilang drug personality si Obias ug giilang dako nga supplier og shabu. Una nga napalit sa poseur buyer ang usa ka pakite nga nagkantidad og P10,200.

Atol sa pagrekisa, nasakmit ang laing unom ka dagkong pakite nga 50 gramos ug kantidad nga P400,000. (JKDP)