Si Philippine National Police (PNP) comptroller Major General Emmanuel Luis Licup ni-recall sa usa ka memorandum nga naghisgot sa mga balor sa cash assistance ngadto sa pulis nga natakdan og coronavirus disease 2019 (Covid-19).

Sa usa ka mensahe sa SunStar Nobiyembre 25, si Licup niingon nga ang memorandum nakamugna og kalibog.

Si PNP spokesperson Brigadier General Ildebrandi Usana, sa usa ka lahi nga mensahe sa SunStar, niklaro nga ang pamilya lang sa mga pulis nga nangamatay sa Covid-19 ang makadawat sa cash assistance, di ang P100,000 nga gihisgutan sa mando ni Licup.

“P50,000 po ang ayuda sa pamilya ng namatay na pulis sa Covid. Wala na pong iba pa na sinabing financial assistance,” matod ni Usana.

Sa Sugbo, upat ka mga pulis nga gi-Covid ang nangamatay.

Si kanhi PNP chief Archie Gamboanimando nga ang PNP mao ang moabaga sa mga galastuhan sa pagpaospital sa tanang mga pulis nga nangasakit og Covid ingon man niadtong nangamatay. Hangtod sa alas 6 sa gabii sa Nobiyembre 23, ang PNP Health Service niingon nga 26 ka mga pulis ang nangamatay sa Covid-19.

Sa memo ni Licup, ang tanang mga pulis nga nangasakit og Covid hatagan og P50,000 nga cash assistance. (TAPM, SunStar Philippines)