KON usa ka sa permi ma-late sa trabaho tungod sa ka trapik, mao na kini ang sulbad sa imong problema.

Ang telecommuting o kining pagtrabaho gawas sa buhatan gamit ang moderno nga teknolohiya susama sa computer o cellphone, giawhag kini karon sa Department of Labor and Employment (DOLE) 7 ngadto sa mga pribado nga trabahoan aron dili na kinahanglan pa mobiyahe o moadto sa opisina ning mga kawani.

Hinuon matod ni DOLE 7 Regional Director Salome Siaton nga kinahanglan nga aduna’y programa nga telecommuting ang usa ka kompaniya bag-o kini hingpit nga ipatuman.

Kinahanglan nga klaro ang rules and guidelines niini aron tarong ang pagpatuman niini.

“We have already started doing information dissemination about the new Telecommuting Law. In fact, it’s one of the topics forming part of the learning sessions conducted among the various company-members of the Industry Tripartite Councils and Tripartite Industrial Peace Councils in the Region,” matod ni Siaton.

Usa ni sa gitan-aw sa DOLE 7 nga makaminus sa problema sa trapiko sa Central Visayas.

Dugang ni Siation nga mamahimong itanyag sa kompaniya kining telecommuting program isip voluntary basis o resulta sa collective bargaining agreement.

Alang sa mga kompaniya nga interesado nga ipatuman ang telecommuting work arrangement sa ilang kompaniya kinahanglang mopahibawo sa DOLE pinaagi sa pagsumitet sa prescribed report form.

Ubos sa DOLE Department Order No. 202, Series of 2019 gibutang ang implementing rules and regulations sa Republic Act No. 11165, o “Telecommuting Act.” / (HBL)