ANG Department of Education (DepEd) Cebu City mogamit og radio station para maoy gamiton sa paspas nga paghatod sa kasayoran ngadto sa kabataan sa public elementary schools.

Gipahibawo ni Mayor Edgardo Labella nga sugdan karong Enero 4, 2021 sanglit apeke kon iapas pa sanglit kay kutob na lang sa Disyembre 12 niining buwana ang first grading sa mga tinun-an ug mag Christmas break na.

Ang Local School Board, pinangulohan ni chairman Raddy Diola, maoy nagpasiugda sa programa.

Modumala ang 48 ka mga teacher broadcasters nga dunay tag walo ka oras nga programa matag adlaw, gikan sa alas 8 sa buntag hangtod alas 5 sa hapon, Lunes hangtod sa Sabado.

Sugod sa Enero 4 sunod tuig, madungog na sa Home Radio dial 106.7 sa FM bond sa mga radyo. Ang programa gitawag ni Diola og Educational Laboratory (EdLab) Radio.

“I am happy to announce that the Educational Laboratory Radio (EdRadio) that is being implemented by the Cebu City Local School Board, in partnership with the Department of Education Cebu City Division, will start during the second grading period of Grades 1-6 public school pupils on January 4, 2021. We have already identified 48 public school teacher-broadcasters who will teach the lessons through a local FM station,” matod ni Labella. (PAC)