BANAY sa 19-anyos nga dalaga nga giingong namatay tungod sa drug overdose uyon na nga ipa autopsy ang lawas sa biktima.

Ang autopsy maoy paagi sa pagtino unsa nga illegal nga drugas ang hinungdan sa iyang kamatayon.

Nakadawat og kasayuran ang hepe sa Mabolo Police Station nga mi uyon na ang banay ni Ashley Abad nga i-autopsy ang lawas.

Matod ni Chief Insp. Dindo Alaras nga ilang balikan sa pagpakigkita ang amahan ni Ashley aron pormal ang pagtugot sa mga ginikanan sa biktima.

Ang PNP Scene of the Crime Operation adunay kapasidad sa pag ila kon unsa nga matang sa drugas ang na inom niini.

Ila na usab nga nahinabi ang pamilya sa uyab ni Ashley aron unta imbestigahon apan giingong moatubang lang kini kon adunay kamandoan sa korte.

“Ni reach out nata didto sa boyfriend. Wala mo cooperate. Maghulat lang sila sa court order ug mo consult sila sa ilang lawyer, ” matod ni Alaras.