Balita

Parte sa Manipis Rd. di paagian

Sunnexdesk

SUGOD kagahapon, Oktubre 8, gisirado ang usa ka bahin sa Manipis Road tungod sa padayong pagdahili sa yuta ug pagligid sa mga bato.

Si Jonathan Tumulak, pangulo sa City of Talisay Traffic Operations and Development Authority (CT-TODA), niingon nga sirhan gikan sa mga motorista ang Sityo Langoyon sa Barangay Manipis sugod sa alas 5 sa hapon hangtod sa alas 5 sa buntag pagkasunod adlaw.

Matod ni Tumulak nga alang kini sa seguridad sa tanang mga motorista nga mangagi sa dapit.

“Hangtod karon nagpadayon ang pagpangatagak sa mga bato ug yuta. Gisusi pa sa DPWH unsay hinungdan,” matod ni Tumulak sa interbyu sa Superbalita Cebu.

Ang mao nga mga oras ngitngit busa di makita kaayo ang dan busa kuyaw sa mangangi.

Ilang nakab-ot ang hukom human sa tigom tali sa CT-TODA, Department of Public Works and Highways (DPWH), kapulisan, City Disaster Risk Reduction and Management Office (CDRRMO), city engineers office ug barangay officials sa Manipis, Kampo 4 ug Jaclupan.

Niadto lang Miyerkules, Oktubre 6, gibuksan alang sa mga motorista ang karsada nga nagdugtong sa Talisay ug Toledo City tungod sa mga landslide nga dala sa kanunay nga mga pag-uwan.

Samtang, off limit usab ang Manipis Road alang sa leisure biking. (REV)

Sand Cay.

Study shows 'degrading state' of marine life in PH’s Sandy Cay 

US, Japan, Australia, PH call out China over activities in WPS

Cedric Lee now at NBP

LTFRB: Current jeepney fare to remain despite PUV modernization

Union backs CPA in latest legal tussle with Cebu City