NILUSAD og kampanya ang artsidyosesis sa Sugbo nga gitawag og Piso Alang sa Alay Kapwa nga himuon sa tibuok tuig sa 2019 sa matag parokya ug tunghaang Katoliko.

Si Rachliez Cruz, national program coordinator sa Alay Kapwa sa Catholic Bishops Conference of the Philippines (CBCP)/ National Secretariat for Social Action (NASSA) Caritas Philippines, niingon nga ang Alay Kapwa mao ang resource mobilization program sa simbahang Katoliko sa tibuok nasod.

Sa opisyal nga mantalaan sa artsidyosesis, Bag-ong Lungsoranon, Marso 24 isyu, nasayran nga ang tumong sa programa mao ang pag-abag sa mga komunidad nga nahiagom sa katalagman pinaagi sa relief operations, medical missions, seminars outreach program ug uban pa.

Ang programa gidasig sa matag parokya, Basic Ecclesial Communities ug mga tunghaang Katoliko sa Sugbo. (SCG)