Land Transportation Franchising and Regulatory Board (LTFRB) nagsugod na sa unang tulo ka adlaw nga workshop and seminar alang sa tanang mga city ug municipal planning officials, lakip na ang traffic division management officers sa probinsya sa Sugbo, aron magiyahan sa paghuman sa ilang Local Public Transport Route Plan (LPTRPs).

Gisugdan sa buhatan ang pagtudlo ug pagpasabot sa mga opisyal ug traffic division sa Pebrero 7, 2023 hangtod pa sa Pebrero 9, pahibawo ni LTFRB 7 Regional Director Eduardo Montealto Jr.

Subay sa unang hugna sa training, nasayran nga anaa lang sa 7.54 porsiyento o duha pa lang ka lokalidad sa Sugbo ang naaprubahan sa ilang LPTRP nga mao ang dakbayan sa Naga ug Mandaue City.

Ang pipila kanila duna pay mga kinahanglang usbon sama sa mga dakbayan sa Sugbo ug Lapu-Lapu lakip na ang siyudad sa Danao, Talisay ug Toledo.

Apil na niini ang kalungsoran sa Compostela, Daanbantayan, Dalaguete ug San Francisco, mga isla sa Camotes. Ang ubang lokalidad maoy wala pa makaduso sa proposals.

Samtang ang city planning officer sa Bogo City, Carlo Logarta, niingon nga sa maong paagi makaandam ang matag LGUs sa higayon nga kini hingpit nga ipatuman, hayan did-an na unya ang mga traysikol sa pagtadlas sa national highways sa ilang dakbayan.