Balita

Police escort ihatag kang Reluya; kang Loot wala

Arnold Y. Bustamante

POLICE Regional Office (PRO) 7 misaad nga hatagan nilag police security si Mayor Lakambini Reluya inig balik na niini sa iyang trabaho human mapasaka ang kaso batok sa unom ka mga suspek sa pag ambush sa ilang sakyanan, apan kapulisan dili mo hatag og security ni Mayor Vic Loot sa Daan Bantayan.

Gitakdang mobalik na sa katungdanan si Mayor Reluya human nag leave sa iyang trabaho sukad gi banhigan ang ilang sakyanan sa Barangay Linao sa Syudad sa Talisay niadtong milabayng buwan.

Human malubong ang bana sa mayor nga si ABC President Ricardo "Nonoy" Reluya gipapauli lang una sa pamilya ang mga police security nga gihatag ang PRO 7 kanila.

Apan misaad si Chief Supt. Debold Sinas nga kung mobalik na sa pag trabaho si Mayor Reluya ang San Fernando Police Station adunay personnel nga gitagana nga mobantay sa opisina sa mayor gani ila na kining gipananghid sa Commission on Election (Comelec) sa probinsya sa Sugbo.

Gipasabot sa PRO-7 director nga samtang gawasnon pa ang mga mibanhig sa sakyanan ni Mayor Reluya, anaa pa gihapon ang hulga sa ilang siguridad nga maoy hinungdan nga bantayan nila kini.

Gitakdang pasakaan na ug kasong multiple murder ug frustrated multiple murder silang Jerome Labitad ug Felix Abacajan Jr., lakip na ang laing upat ka john does.

Mahimo usab nga hatagan ug security ang ubang kandidato kung kini mo request sa Comelec ug ang PRO-7 maoy mohimo og threat assessment.

Sama sa naandan, duha lamang ka police ang itugot nga himuong police escort ug kung kini mosabra na sa duha mahimo na silang dakpon ug pasakaan ug kaso base sa lagda sa Comelec.

Apan sa kaso ni Daan Bantayan Mayor Vicente Loot, dili ka hatag ang kapulisan og police escort niini sanglit naa sa listahan ni Presidente Rodrigo Duterte nga nalambigit sa illegal nga drugas.

Aduna nay mga kandidato ang mi apply sa Comelec nga hatagan silag police escort nga gipaubos na karon sa validation ug threat assessment sa PNP.

CEBU. Cebu City Mayor Mike Rama.

Rama: Let LGUs set up own water district

Deforestation in Cebu City ‘continues’

Pagasa: It will be a hot CVIRAA week

Over 4K megawatts to boost power supply in 2024

Study shows 'degrading state' of marine life in PH’s Sandy Cay