NAGISI ang ngabil sa usa ka pulis nga miresponde og alarma human gilabay o botilya sa hubog sa Barangay Sumaguan, Lungsod sa Argao kagahapon sa buntag, Abril 15.

Si Raul Maglasang Espina, 61, ulitawo, mag-uuma, nangyayo og abag sa mga barangay tanod ug kapulisan human gipauwanan og bato ang ilang panimalay sa suspek nga si Julian Maglasang Espina, hingkod ug mag-uuma.

Samtang maayong pagkagisi sa ngabil ni PSSG Rolly Donasco Bonjoc, minyo, taga Barangay Simala, lungsod saa Sibonga, ug sa Argao Police Station.

Si Patrolman Jed Peretcho, sa Argao Police Station nga nahinabi sa Superbalita Cebu nagkanayon nga si Espina nagmaoy sa kahubog uban iyang barkada ug paryente nga si Raula nga nag-inom.

Dihang nangahubog ang duha nagkalalis human nagpataasay sa hambog ug nahitabo ang kagugot dihang gilabay’g bato ni Julian qng panimalay ni Raul.

Sa pag-abot nila ni PSSGT Bonjoc, gipakalma nila ang suspek apan wala mopatuo hinungdan nga ilang gisignit pero gilabay’g botelya ang pulis hinungdan sa pagkagisi sa ngabil.

Gipusasan ang suspek ug gidala sa police station.

Matud ni Patrolman Peretcho, ang dinakoan nag-wild, nangluwa ngadto sa mga pulis ingon man tuyuon niini pagparok iyang ulo sa bungbong.

Kasong direct assaul ug malicious mischief ang ilang gi-andam nga kaso batok sa suspek. (GPL)