BAG-ONG officer in charge sa Cebu City Police Office (CCPO) mihimakak sa pamahayag ni Vice President Leni Robredo nga pakyas ang kapulisan ug ang Philippine Drug Enforcement Agency sa ilang kampanya batok sa ilegal nga drugas.

Niadtong Lunes, Enero 6, gisaaway ni Robredo ang administrasyon ni Presidnete Duterte sa kampanya batok sa ilegal nga drugas sulod sa tulo ka tuig.

Matod ni Robredo, usa ka porsiyento lang ang nasakmit nga ilegal nga drugas sa mga awtoridad itandi sa misulod sa Pilipinas sukad pa niadtong 2016.

Alang kang Police Colonel Engelbert Soriano, OIC sa CCPO, madaugon ang gobyerno sa kampanya batok sa ilegal nga drugas sanglit di lang ang pagkunhod sa drugas lakip ang paglambo sa kahusay ug kalinaw sa nasud. (AYB)