GIANUNSYO gahapong adlawa, Septiyembre 15, 2921, sa Ormoc Development Team (ODT) ang ilang final nga line-up para sa umaabot nga 2022 elections.

Matod ni Mayor Richard Gomez, duna sila'y gipahigayon nga meeting sa ilang panimalay sa Carlotta Hills diin nitambong ang mga bag-ong miyembro sa ODT.

Gikompirmar sa mayor nga magpapili siya sa pagka kongresista sa kwatro distrito sa Leyte samtang magpapili pagka mayor sa dakbayan sa Ormoc iyang asawa nga si kongresista Lucy Torres - Gomez.

Si Carmelo Locsin Sr., amahan ni Bise Mayor Toto Locsin Jr., ang modagan pagka bise mayor.

Mo kumpleto sa line-up ang mga kandidato pagka konsehal nga sila si incumbent City Councilors Lalaine Marcos, Goito Yrastorza, Jasper Lucero, Peter Rodriguez, Nolitz Quilang ug Roiland Villasencio.

Motapos sa ilang termino sila si City Councilors Bennet Pongos, Tommy Serafica, Gerry Penserga ug Vince Rama.

Mohulip sa ilang mabakante nga pwesto sila si incumbent Leyte Board Member Carmen Jean Torres - Rama, Atty. Burt Pades, Dr. Edmund Keirulf ug PBA Superstar Rey Evangelista.

Si Vince Rama magpapili pagka provincial board member sa Leyte.

Kasamtangan nga partido sa ODT ang PDP-Laban ni Presidente Rodrigo Duterte.(JKDP)