Ang Banilad Center for Professional Development (BCPD) modawat na og mga estudyanteng gustong mahimong scholar para sa tuig tigtungha 2021-2022.

Ang BCPD usa ka Technical-Vocational school nga nagatanyag ug 1-year course nga Food Service Technology alang sa mga kababaehan. Aduna kini scholarship nga gitawag nga USAID Opportunity 2.0 Program. Kining kursoha boot maghatag ug higayun alang sa mga Out of School Youths, ALS og Senior High School graduates nga edad 15-24 anyos. Kini maghatag kanila ug igong kaalam aron sila makatrabaho, mag negosyo og mahimo usab nga mopadayon sa pag skwela sa kolehiyo.

Ang mga swerteng iskolar makadawat ug National Certificate Level II (NCII) sa Cookery or Bread and Pastry Production gikan sa TESDA.

Ang theoretical nga klase pagahimoon online ug ifacilitate ni sa BCPD sa paghatag ug libreng Lenovo tablet ug binulan nga load para maka attend sa mga klase. Lakip na usab nga benepisyo isip usa ka scholar ang mga musunod:

• FREE nga tuition
• FREE ang pagamit sa mga libro or module
• FREE nga gamit sa mga laboratory facilities
• FREE ang ingredients sa skills classes kun mag luto na sa eskwelahan