Ang Cebu City Police Office (CCPO) nag- andam og usa ka platoon gikan sa Civil Disturbance Management (CDM) unit alang sa ilusad nga kalihukan sa cause-oriented groups atol sa kasaulogan sa Adlaw sa mga Mamumuo sa Dominggo, Mayo 1, 2022.

Matod ni Police Lieutenant Colonel Wilbert Parilla, deputy director for operations sa CPPO, dunay giandam nga usa ka platoon sa CDM unit ug laing standby personnel nga i-deploy sa kadalanan kon modaghan ang mga militante.

Gitahasan ang tulo ka mga station sama sa Carbon Police Station, Waterfront Police Station 3 ug Abellana Police Station nga mo-monitor sa kalihukan sa mga raliyesta sa ilang hurisdiksiyon.

“Yes no permit, no rally, but katong mga walay permit ato lang sila tagaan og 5 minutes noh. Atong usual nga tagaan nato silag time to hear and disperse,” matod ni Parilla.