TRAFFIC Enforcement Agency of Mandaue (TEAM) namutang og separators sa kadalanan alang sa pagpatunhay sa sitwasyon sa trapiko sa lugar usa lang sa giingong mga lakang o sulosyon sa grupo sa problema sa trapiko sa dakbayan.

Gipamutangan sa Team sa Dakbayan sa Mandaue ug mga steel ug plastic separators ang dalan sa MC Briones ug SB Cabahug nga maoy gitumbok sa grupo nga usa sa mga dalan nga huot ang sitwasyon sa trapiko.

Matod sa pangu sa Team Florentino Nimor Jr., usa lang kini sa mga pamaagi nila aron mahapsay ang dagan sa mga sakyanan sa maong mga dalan.

Kini gumikan kay sa mga miaging buwan, anaa kini gipahimutang sa center island sa nahisgutang dan hinungdan nga mag-ilog na hinuon ang mga sakyanan nga padulong sa amihanan nga bahin.

“We installed separators or barriers para ang SB Cabahug street and MC Briones street traffic going to the north mag merge man kay mao man to siyay cause sa traffic ug cueing,”pasabot ni Nimor.

Gawas niana, ipatuman usab sa grupo ang “always go” nga sistema sa lane sa intersection sa nahisgutang mga dan aron makuha-kuhaan ang bul-og sa trapiko ilabi na sa mga sakyanan nga padulong sa Siyudad sa Sugbo.

“Magbutang pa ta og from southbound vehicles para paghabwa sa kanang naa sa north, sa rightmost lane nagbutang tag lane diha nga always go, bisan og stop dili siya mourong go gyud siya aron di maghuot ang dalan,” matod ni Nimor.

Usa sa mga gitun-an sa grupo mao ang huot usab nga sitwasyon sa luyo sa Pacific Mall nga giingong gihimong short sa mga motorista.

Hangyo ni Nimor sa mga motorista nga kon way laing tuyo sa Li-ong Road mas maayo nga di na moagi sa maong dalan, adto na lang sa D.M Cortes aron ma menos-menosan ang kahuot sa dapit.

“Ato gihabwa maayo ang left turning vehicle from Basak to Lapu-Lapu. Pero mo-hamper sa left turning vehicles luyo sa Pacific Mall mao nga ayaw mo og gamit ana na nga streets if wa mo’y tuyo diha sa mga interior,” dugang ni Nimor. (ANV)