LUYO sa kamaya sa panagway sa mga bata mao ang subo nga sugilanon sa ilang kinabuhi.

Ang mga miyembro sa Cebu Alpha Phi Omega (APO)- Externos sayong nipaambit sa ilang pinaskohan sa North Cebu nga pinuy-anan sa bag-ong paglaom - ang Beato Tommaso Maria Fusco Hope House Inc., dili basta pinuy-anan apan nag-atiman sa batakang serbisyo sa DSWD.

Dili lang kini orphanage alang sa mga babaye apan dangpanan nga puno sa kalinaw, layo sa dakbayan ug sa ilang di maayong kagahapon.

Ang APO-Externos uban sa pagsuporta sa APO Midwest Chicago AA ug ubang higala nga ipahigayon og "Joys of Innocence”, usa ka service project sa pag-atiman sa panginahanglan sa 21 anyos nga babaye nga naay pinuy-anan. Usa ka chef gikan sa siyudad sa Sugbo ang nagluto ug nag-andam sa pagkaon hinungdan sa dakong kalipay sa mga bata. (Tampo)