NASIKOP ang usa ka 32 anyos nga lalake niadtong Sabado human niya giingon nga gilugos ang iyang stepdaughter sa Barangay Poblacion 2, dakbayan sa Carcar.

Ang suspek nga si Anton (di tinuod ngalan), nadakpan sa iyang panimalay sa dakbayan sa Mandaue diin pinangulohan sa Subangdaku Police Staion apan gi-turn over ngadto sa Carcar Police Station.

Matod ni PO3 Rowena Santillan, imbestigador sa Women and Children’s Protection sa Carcar Police Station, nga pulos mga residente sa Mandaue ang biktima ug suspek apan, ang pamilya niini lumad sa lungsod sa Oslob.

Una nahitabo ang insidene niadtong Biyernes, giingong nagpakuyog si Anton kang Johanna (di tinuod ngan) aron mokuha sa ilang cash assistance gikan sa Pamilyang Pilipino Program (4Ps) sa Oslob.

Nisugot ang biktima ug niangkas kini sa motorsiklo nga gimaneho ni Anton.

Dihang naabot sila sa Poblacion 2, giingong gikapoy si Anton ug niingon kini nga mamahuway una sila sa usa ka pension house.

Didto nahitabo ang pagpanglugos.

Matod ni Santillan nga mao kadtong ang labing una nga gilugos si Johanna sa iyang stepfather.

Diha na nitug-an ang babaye dihang naabot sila sa dakbayan sa Mandaue. (HBL)