LIMA ka lawak saringan ug usa ka stockroom sa Talisay City Central High School ang naugdaw pasado alas 5, Lunes sa hapon, Agusto 12, 2019.

Matud ni Fire Senior Inspector Arra Alpajaro, fire marshal sa Dakbayan sa Talisay, nadawat ang alarma sa sunog alas 5:57 sa hapon.

Nadeklarar nga under control ang sunog alas 6:25 p.m. human sa 30 minutos.

Giisa ang sunog sa Task Force Alpha, diin ang mga fire truck nga gikan sa Dakbayan sa Naga pati ang sa lungsod sa Consolacion ang nidali sa pagtabang sa pagpalong sa kayo.

Matud ni Alpajaro nga suwerte nalang nga wala'y klase sa pagkahitabo kay holiday, hinungda nga wala ra'y naangol.

Usa sa ilang gisusi nga nagsugod ang kayo sa stockroom diin gitago ang ubang mga gamit sa tunghaan, lakip na mga lingkuranan sa classroom.

Ang stockroom anaa sa likud sa tulo ka andana nga lawak saringan apan tungod sa kakusog sa hangin, nakatapon kini ngadto sa mga lawak saringan sa tulo ka andana.

Gisusipa nila kon unsa nga mga year level ang nag-occupy sa lima ka lawak saringan.

Gibana-bana nga mobalor sa P60,000 ang gibiling danyos sa maong sunog. Gisusi sa kabomberohan kon unsa ka tinuod ang taho nga adunay nagdaub sa likud sa stockroom. (FMD/Superbalita Cebu)