ORMOC City, Leyte - Usa ang nasikop ug usa ang nakaikyas sa drug buy-bust operation sa kapulisan sa Police Station 1 ning dakbayan.

Ang nasikop giila nga si Philip Belle Killase, 31, taga Barangay Punta, delivery boy sa usa ka cargo forwarder.

Samtang ang nakaikyas mao si alyas ‘Tenyo’ kinsa mao unta ang target sa operasyon.

Matod sa kapulisan, sila nakadawat og impormasyon bahin sa ilegal nga kalihukan ni Tenyo busa ilang gipaubos sa pagpaniid.

Sa dihang ilang nakompirmar, gilusad nila ang buy-bust operation sa Diversion Road sa Barangay Bantigue ning dakbayan.

Usa ka pulis nagpakaaron ingnon nga mamalitay og shabu ang nakigtransaksyon. (JKDP)