USA ka tindahan sa mga motorsiklo ang nasunog, Domingo sa buntag, Septiyembre 8, sa Purok Ruby, Barangay Dumlog, Siyudad sa Talisay.

Alas 8:20 sa Dominggo sa buntag nadawat sa kabomberuhan sa Siyudad sa Talisay ang alarma sa sunog.

Hinuon dali ra kini nakontrolar human nga gitabangan una sa kasilinganan ang pagpawong sa kayo, pinaagi sa pagsabwag og tubig gamit ang mga balde.

Pag-abot sa kabomberuhan, pipila ka minutos nadeklarar ra usab kini nga fire out, alas 8:32 sa buntag. Giisa ang alarma sa first alarm.

Matod ni Fire Senior Inspector Arra Alpajaro nga padayon pa ang imbestigasyon sa ilang fire investigator sa hinungdan sa sunog.

Usa na niini sa ilang gitan-aw ang may labot sa electrical faulty wiring. (FMD)