Dead on arrival sa tambalanan ang usa ka 40 anyos nga mangargahay og tobo human siya matabuni sa mga karga dihang ang trak nga ilang gisakyan natumba niadtong Biyernes sa alas 9:30 sa buntag sa Sityo Kadoldolan, Barangay Lugo, lungsod sa Borbon.

Ang biktima giila sa Borbon police nga si Wilfredo Booc Jr., 20, taga sityo Bakyo, Barangay Claveria, Borbon.

Atol sa aksidente, unom usab ka mga kauban ni Booc ang nangaangol.

Matod sa kapulisan nga ang trak nga gimaneho ni Edmund Flores, 40, taga Sagay, Borbon, nagkarga og daghang tobo nga gikan giani.

Sila si Booc ug kaubanan sakay usab sa samang trak nga gipanag-iya sa Jomarla Co. (GBW 353) dihang kalit kining natumba tungod sa overloading.

Si Booc natabunan sa daghang tobo hinungdan sa iyang grabeng mga angol nga niresulta sa iyang kamatayon.

Si Flores gitanggong sa Borbon Police Station alang sa kasong reckless imprudence resulting to homicide, physical injuries ug damage to property. (GPL)