STA. Margarita, Samar -- Trak nga dunay sakay nga 16 ka mga tawo nahulog sa usa ka pangpang sa Barangay Mabuhay ning lungsod alas 7:45 sa buntag, Biyernes, Hulyo 19, 2019.

Usa namatay diha-diha.

Ang six-wheeler Isuzu truck (AVA 4113) nga gimaneho ni Bernardo Garte, 43, taga Barangay Balud, Sta. Margarita, Samar.

Base sa inisyal nga imbestigasyon, pag-abot sa lugar nga nahitaboan, nakaagi kini sa usa ka lugsungon ug pakurbada nga karsada. Nawad-an og kontrol si Garte hinungdan nga nibangga kini sa usa ka steel barrier ug nahagbong sa 20-feet nga pangpang. (JKDP)