Taliwala sa pamahayag sa Bureau of Animal Industry (BAI) sa nadugang nga lima ka mga lokalidad nga gikompirmar nga dunay kaso sa African swine fever (ASF), mopadayon ang Kapitolyo sa pag-umol sa ilang plano paghimo og kaugalingong protocol pakigbatok sa sakit sa baboy.

Kini maoy pamahayag ni Atty. Donato Villa, legal officer sa Probinsya sa Sugbo sa Lunes, Marso 20, 2023.

Matod ni Villa nga wala moagi og konsultasyon ang mga pamaagi sa BAI, subay sa lagda sa Local Government Code.

“They should be reminded that they are oblidged to consult and involve the LGUs and the Province of Cebu inthe planning and implementation of any program or policy in accordance with the afore-quoted provisions of the Local Government Code,” matod ni Villa.

Gisubli ni Villa nga subay sa nalatid sa balaod, mahimong mopasaka og kaso ang gobernador batok sa mga opisyal sa ahensya nga nakalapas sa lagda ug sa obligasyon niini.

“They should also be reminded of the power and duty of the Governor under Section 465 to file cases against national agency officials who may have committed an offense in connection with their functions and obligations,” dason ni Villa.

Sa miaging semana, giinsister ni Cebu Governor Gwendolyn Garcia ang baruganan niini nga dili pwede pamatyon ang mga baboy.