KANHI presidente ug general manager sa Government Service Insurance System (GSIS) nga si Atty. Winston Garcia maoy gitudlo isip bag-ong chairman Cebu CFI Community Cooperative.

Siya ang mohulip sa iyang amahan nga si kanhi deputy speaker Atty. Pablo P. Garcia, kinsa magpabilin isip legal consultant sa kooperatiba.

Matod ni Ophelia Morales, chief executive officer sa CFI, magamit ni Atty. Winston ang iyang kaalam ug pagka eksperto ingon man lapad nga kasinatian sa pinansiyal ug fiscal management sa kooperatiba gumikan sa iyang pagdumala sa labing dako nga insurance system sa Pilipinas ug nagserbisyo isip board member sa pipila ka dagkong mga institution sama sa Philippine Stock Exchange, San Miguel Corporation ug Meralco.

“His entry into the Board places CFI in a strategic position to sustain profitability and stability, while ushering in an era of modernization and tremendous capital growth for our over 111,000 members,” pamulong ni Morales sa press statement nga gipadala ngadto sa mga sakop sa media. SCG