Nahibulong si Stephen Curry nga gibangko siya ni coach Steve Kerr sulod sa 11 ka mga minutos atol sa kapildihan sa Golden State Warriors batok sa hosts Minnesota Timberwolves, 114-110, sa National Basketball Association (NBA) ning Lunes, Marso 25, 2024 (PH time).

Ang kanhi 2-time MVP nigawas sa nahabiling kapin sa upat ka mga minutos sa 3rd quarter ug nagtuo siyang makabalik ra dayon siya pagduwa.

Apan gipasulod siya’g balik ni Kerr sa nahabiling kapin sa 6:00 ka mga minutos na lang sa 4th quarter.

Gipasabot ni Kerr nga dili sa tanang higayon, isalig niya tanan kang Curry ang bug-at nga obligasyon. / AP