Mga duwa karon:

3:30 pm- USPF

batok UC (College)

5:00 pm- UV

batok USJ-R (College)

Duha ka mga tinagakay nga kombati ang masaksihan karong hapon, Disyembre 10, 2022, sa semi-final round sa Cebu Schools Athletic Foundation Inc. (CESAFI) basketball college division.

Magsangka sa premirong duwa karong alas 3:00 sa hapon ang University of Cebu (UC) Webmasters batok University of Southern Philippines Foundation (USP-F) Panthers.

Mosunod niini ang engkuwentro sa University of the Visayas (UV) Green Lancers batok University of San Jose Recoletos (USJ-R) Jaguars sa main game.

Nahan-ay kining duha ka tinagakay nga mga duwa human gipakaging sa Jaguars ug Webmasters ang tagsa-tagsa nila ka twice-to-beat nga mga kontra niadtong Huwebes, Disyembre 8, 2022.

Ang Jaguars ningbangon gikan sa 16 ka mga puntos nga pagkalubong aron pakuratan ang grabe ka inilog nga Green Lancers, 80-78, samtang gisurpresa sa Webmasters ang Panthers, 68-67.