WALA na siguro’y makabuak sa record nga nahimo sa NBA legend nga si Wilt Chamberlain sa pinakadaghang babae nga nadulog nga miabot ngadto sa 20,000.

Sa iyang 1991 autobiography nga View From Above giangkon sa kanhi center nga tinuod ang mga istorya nga mokabat ngadto sa 20,000 ka babaye iyang nadulog.

Niadtong aktibo pa kini sa NBA, adunay usa ka higayon nga 23 ka managlahi nga babaye ang gika-intimate niya atol sa ilang 10-day round trip sa NBA.

Bisan paman sa iyang pagkahimabayi, wa maapektohi ang iyang performance sa basketball. Usa si Chamberlain sa greatest of all time nga NBA players tungod sa mga gibuhat niini sa gaduwa pa siya.

Gipanag-iya ni Chamberlain ang 72 ka NBA records. Usa na niini ang pinakadako nga single-game points nga 100 puntos ug ang pinakadaghan rebounds sa usa ka duwa nga 55.

Nahimong kampiyon si Chamberlain sa tuig 1967 ug 1972. Miretiro siya isip player niadtong tuig 1973.

Namatay si Chamberlain sa edad nga 63 niadtong Oktubere 12, 1999 tungod sa heart failure. (RSC)