GIBANABANANG mohatag og kahasol ang bag-yong Tisoy sa pag-host sa Pilipinas sa 2019 Southeast Asian Games nga opisyal nga sugdan karong adlawa sa Philippine Arena sa Bocaue, Bulacan.

Kon wala’y kausaban nga mahitabo, ang bagyong Tisoy mosulod sa Pilipinas karong adlawa o ugma.

Hinuon giklaro sa Philippine Southeast Asian Games Organizing Committee (PHISGOC) nga ilaha na kining gipangandaman daan.

“We are ready for this and we need to brace for this storm,” pasabot ni Phisgoc chief operating officer Ramon Suzara nga napatik sa GMA News.TV.

“All competition managers and technical delegates should already prepare in case the competitions are cancelled even for a few hours or in one day.” (ESL)