GIANGKON ni Meralco Bolts center Raymond Almazan nga grabe ang iyang kabalaka kabahin sa pagkaangol sa iyang wa nga tuhod hilabi na ning panahon sa krisis sa kahimsog.

Gipasabot ni Almazan nga kini maoy labing unang higayon nga nakasinati siya og angol sa tuhod nga maoy iyang labing gikahadlukan.

“Hindi ko alam kung makakabalik pa ba ako sa dating laro ko to be honest,” asoy sa 6'8" nga basketbolista. “Yun ang pinakakatakutan ko talaga yung ma-injury sa tuhod.”

Nasinati ni Almazan ang iyang angol sa Game 3 sa miaging Governor's Cup finals series sa Philippine Basketball Association (PBA) batok sa Brgy. Ginebra Gin Kings.

Alang kang Merlaco coach Norman Black, ang pagkaangol ni Almazan maoy usa sa dakong hinungdan nga napilde sila sa series human sa lima ka mga duwa.

Pipila ka mga semana human sa operasyon ni Almazan, nisugod na pagkuyanap ang makalilisang nga coronavirus disease 2019 (Covid-19).

“Ang hirap ng naka-lockdown ka na, iniisip mo pa yung injury mo,” asoy ni Almazan sa labing bag-ong episode sa PBA Kamustahan TV program.

Matod ni Almazan, nga iyang gipahimuslan ang quarantine period pinaagi sa pagdugang og kayod kabahin sa iyang pagpaalim. (ESL)