Gipabuhagay ni Mexican superstar Saul Canelo Alvarez nga grabe ang iyang determinasyon nga moaway pagbalik sa iyang yutang natawhan hinungdan nga nisugot siyang mapahakan og dako ang iyang ganti aron matuman lang kini.

Sa iyang pagpakigbatok ni British John Ryder karong Mayo 6, 2023 sa Guadalajara, Mexico, giklaro ni Alvarez nga dungog ug dili kuwarta maoy iyang giapas.

“Sometimes it’s not about money,” matod ni Álvarez sa usa ka press conference, Biyernes, Mayo 17, 2023 (PH time).

“Sometimes it’s about pride, and it’s that time. I don’t need to say how much I lose, because I don’t care. I feel good to fight in my hometown, and I’m proud.”

Gipasabot sa promoter ni Alvarez nga si Eddie Hearn nga posibleng mapiko og kaduha ang dawatunong ganti ni Alvarez kon nisugot pa kini nga sa Las Vegas, USA ipahigayon ang away.

“It’s unbelievable, because it affected me,” batbat ni Hearn. “Actually, I think it’s great. Saul has got a lot of money, so that’s (a factor) but it’s still quite unusual. I’ve not really seen a lot of fighters that would take a lot less to do it at home.”

Ang away ipahigayon sa 50,000 capacity Akron Stadium, ang homecourt sa Mexican soccer club Chivas.

Ning awaya, depensaan ni Alvarez ang iyang undisputed super middleweight titles.

Nagpasabot kini nga isugal ni Alvarez ang iyang mga korona sa World Boxing Association (WBA), World Boxing Council (WBC), World Boxing Association (WBA) ug International Boxing Federation (IBF) ning maong away.

Si Alvarez naggunit og 58-2-2, 39KOs nga rekord samtang si Ryder, kinsa gitawag og “The Gorilla”, naghupot og 32-5, 18 KOs nga baraha. (AP)