Nilarga na pagbalik paingon sa Amerika ang kanhi world champion nga si Filipino Jerwin Ancajas aron adto na ipadayon ang iyang training alang sa umaabot niyang away.

Nagkanayon ang trainer ni Ancajas nga si Joven Jimenez nga basi sa ilang panagsabot ni MP Promotions president Sean Gibbons, mag-training ang kanhi International Boxing Federation (IBF) super flyweight king sa Las Vegas.

Gipasabot ni Jimenez nga masayran lang nila ang pinal nga mga detalye kabahin sa umaabot nga away ni Ancajas inig abot nila sa Las Vegas.

“Malaman namin pagdating doon. Diretso na kami sa Vegas,” asoy ni Jimenez nga napatik sa www.abs-cbnnews.com.

Sa sunod niyang tahas, mokampanya na og sugod si Ancajas sa bantamweight division. / ESL