GIHIKAY na karon sa beteranong promoter Bob Arum nga mahinayon ang unification fight sa super-flyweight tali ni Jerwin Ancajas ug Thai star Srisaket Sor Rungvisai.

Si Ancajas, ang International Boxing Federation champion sa 115 lbs, ubos sa Top Rank Inc. ni Arum samtang si samtang si Sor Rungvisai, mao ang World Boxing Council titlist.

Apan alang ni Arum dili lisod alang kaniya ang pagkombinsir sa kampo ni Ancajas alang ning maong way sanglit iya ra man usab nga higala si Tom Loeffler, ang US representative ni Sor Rungvisai.

Sa nasayran, taodtaod nang nangandoy si Ancajas nga makaaway si Rungvisai.

Gani didto siya sa Impact Arena sa Thailand sa dihang miaway ug midominar si Rungvisai batok sa Mexicanong si Iran Diaz.

Posibling sa Enero o sa Pebrero matigayon ang maong panagsangka. JBM