DUHA ka mga Pinoyng mga boksidor nga sila Jerwin “Pretty Boy” Ancajas ug Marlon “Nightmare” Tapales ang mosagubang og dagkong mga away karong adlawa sa managlahing nasod.

Si Ancajas modepensa na sab sa iyang International Boxing Federation (IBF) super flyweight title batok kang Miguel “Aguja” Gonzalez sa Mexico samtang si Tapales makig-away kang Japanese alang sa inilugay sa interim IBF super bantamweight title sa New York, USA.

Ang kampo ni Ancajas masaligon nga mopatigbabaw ang ilang batos.

“Handa kami baka matapos ang 12-round fight, maganda ang takbo ng training namin. Pero kung may pagkakataon ipatumba namin si Gonzalez gusto talaga naming manalo,“ matod sa trainer ni Ancajas nga si Joven Jimenez sa interbyu sa Sunstar Superbalita Cebu.

Mao kini ang ikawalong higayon nga depensaan ni Ancajas ang iyang titulo.

Si Ancajas adunay 31-1-2, 21KOs nga rekord samtang si Gonzalez adunay 31-2, 8KOs nga baraha.

Ang away nila ni Tapales ug Iwasa maoy top supporting bout sa pagdepensa ni World Boxing Council (WBC) middleweight champion American Jermell Charlo batok Dennis Hogan sa Ireland.

Si Tapales, IBF number 3, adunay rekord nga 33-2, 16KOs samtang si Iwasa, IBF no.1, nagbitbit og 26-3, 16KOs nga baraha. (Daniel Quindao Guden, US Correspondent)