Tungod sa makasaysayong kampanya ni weightlitfer Hidilyn Diaz sa miaging Tokyo Olympics, ang Philippine Olympic Committee (POC) gipasidunggan sa Association of National Olympic Committees (ANOC).

Si Diaz maoy labing unang atleta nga nakatunol sa Pilipinas og gold medal sa Olympics ug tungod niini, nadawat sa POC ang “Breakthrough NOC” award sa usa ka programa nga gipahigayon sa Heraklion, Greece.

“The POC is honored to receive this award from the ANOC. It’s been almost a century, or after 22 Olympics, that we finally won our first Olympic gold medal,” matod ni POC president Rep. Abraham “Bambol” Tolentino nga napatik sa www.abs-cbnnews.com.

Gawas sa gold medal ni Diaz, ang Pilipinas nakalangkat sab og duha ka silver medals sa Tokyo Games gikan sa mga boksidor nga sila si Nesthy Petecio ug Carlo Paalam ug bronze medal gikan sa laing boksidor nga si Eumir Marcial. (ESL)