NASUGAMAK sa 2-0 nga kapildihan ang Philippine Azkals batok sa host China sa usa ka exhibition game niadtong Biyernes sa Guangzhou Tianhe Stadium.

Ang Azkals, nga nangandam alang sa ilang kampanya sa 2022 FIFA World Cup qualifiers, aduna unta’y pipila ka mga kahigayunan nga maka-goal apan napakgang kini sa China sa kanunay.

Ang China unang naka-goal sa ika-13 ka mga minutos dayon gisundan kini nila og laing goal sa ika-53 ka mga minutos.

Ang Azkals nakatilaw sab og kapildihan batok sa China, 3-0, sa miaging season. Ang duha ka mga kampo magtagbo og balik karong adlawa alang sa laing tune-up game.

Ang FIFA qualifiers ipahigayon karong Septiyembre. (ESL)