SAGUBANGON sa Philippine Azkals ang mga powerhouse teams nga mao ang Syria ug China ug ingon man ang Maldives ug Guam sa ilang kampanya sa qualifying event sa 2023 FIFA World Cup aron, sa ikaduhang higayon, makasulod sila sa AFC Asian Cup.

Kini human sa gipahigayong draw sa niaging adlaw alang sa second round sa World Cup ug Asian Cup qualifiers didto sa Kuala Lumpur.

Kinahanglan nga modaog ang Azkals sa ilang grupo aron makaabante sa sunod round. Mahimo usab sila nga madala bisan og anaa sila sa ikaupat nga puwesto kon sila ang adunay maayo og record sa tanang ikaupat nga teams sa matag grupo.

Ang Azkals anaa sa Group A diin ilang ikakontra ang Syria, China, Maldives ug Guam.

Kini maoy unang higayon nga ilang ikasangka ang Syria.

Dili man tuod nila bag-o ang pagpakigsangka sa China, apan sulod sa duha ka tuig permi silang gikastigo niini. (JBM)