WALA gitago ni Chris Bosh ang iyang pagkasagmuyo nga wala siya nahimong usa sa mga finalist sa enshrinement class ning tuiga alang sa Basketball Hall of Fame.

Gipadayag sa kanhi pambato sa Miami Heat ug Toronto Raptors ang pagkasagmuyo pinaagi sa iyang mensahe sa usa ka video nga iyang gi-post sa social media.

Nahilakip sa bag-ong tapok sa finalists alang sa enshrinement ning tuiga mao ang mga kadungan ni Bosh nga sila si kanhing Kobe Bryant, Tim Duncan ug Kevin Garnett.

Ang class of inductees opisyal nga ipaila karong Abril 4, 2020. Ang Basketball Hall of Fame ceremony sa Springfield, Massachusetts, karong Augusto 29.

“I’m going to be honest with you,” matod ni Bosh. “I’m a competitive man. I’ve been competing my whole life. A lot of people don’t really know that about me, but I’m a fierce competitor. Losing bothers me. Coming up short bothers me. It always has, you know, since the moment I started playing basketball and it kind of bleeds over into everything that I do. So I’ll just get ahead of it. And so you hear this from me, I’m disappointed.”

Si Bosh usa sa 13 lang ka mga magduduwa sa kasayaysan sa NBA nga nag-average og labing minus 19.2 puntos ug 8.5 rebounds sa ilang basketball career.

Ang laing 12 mao sila si Kareem Abdul-Jabbar, Wilt Chamberlain, Karl Malone, Shaquille O’Neal, Charles Barkley, Moses Malone, Hakeem Olajuwon, Larry Bird, Bob Pettit, Patrick Ewing, Elvin Hayes ug Elgin Baylor, tanan pulos na nahiluna sa Hall of Fame.

Si Bosh, 36, usa ka 11-time All-Star sa NBA. (AP, ESL)