GIPAHIMATNGUNAN ni Sean Gibbons, international match maker ug presidente sa MP Promotions, ang ilang batos nga si Interim WBO bantamweight champion Johnreil Casimero nga dili gyud angay mokompiyansa batok sa Mexicanong si Cesar Ramirez sa iyang pagdepensa sa titulo karong Sabado sa San Andres Sports Complex sa Manila.

Kini bisan pa man gawas sa iyang ka inilog ania pa gyud sa iyang teritoryo ang away.

Pasabot ni Gibbons nga dili angay kakompiyansaan si Ramirez tungod kay aduna usab kini kumo nga makapa-knockout sa kontra. Sa Ramirez, 31, adunay 18-3 nga baraha diin 11 niini ang gipang-knockout samtang si Casimero mosaka sa ring nga may 27-4, 18 ang gipaundang nga baraha.

Human nga nahatagan og kasulbaran ang komplikasyon sa iyang managerial contract, gipaabot nga makatutok na si Casimero sa iyang boxing career. Siya ubos na karon sa pagdumala sa MP Promotions ni Manny Pacquiao ug ubos sa pagdumala ni Nonoy Neri isip chief trainer. (JBM)