WALA ra magdali si Jayson Castro sa iyang pagbalik og duwa human gipaubos sa operasyon ang angol sa iyang tuo nga tiil.

Ang pambatong pointguard sa Talk N’ Text KaTropa wala mohatag og petsa kon kanus-a siya makabalik og duwa gumikan kay gusto niyang huwaton ang hingpit nga pagkaalim sa iyang angol.

Miingon man tuod ang mga doktor nga sulod sa duha ka mga semana ang pagpaalim ni Castro apan alang sa gikonsiderar nga labing maayong pointguard sa Asya, dili siya gustong magdali.

“Wala pa kasi ayaw ko rin madaliin,” pasabot ni Castro.

Gipaasabot ni Castro nga sa sunod semana, magsugod na siya’g ensayo.

“Nag-start na ako mag-rehab at light workouts next week. This week, total rest lang,” dugang ni Castro.

Sa kasamtangan, nakauyon ra si Castro sa kampanya sa KaTropa sa Philippine Basketball Association (PBA) Governor’s Cup ubos sa paggiya sa bag-o nilang headcoach nga si Bong Ravena. ESL