MOBALIK ang patuloay og singot sa utok sa Cebu Executives Professionals Chess Association (Cepca) Monthly Qualifying Tournament karong Hulyo 28 sa The Barracks Chess Club sa Robinsons Galleria Cebu.

Ning higayuna, duha ka qualifiers ang kuhaon alang sa buwan sa Hunyo ug Hulyo.

Ang masulod sa top 5 makadawat og P1,500, P1,000, P700, P500 ug P300.

Ang rehistrasyon nagbalor og P200 sa Cepcas ug P100 sa lady ug kiddie categories.

Ang mga naka-qualify nang daan mao sila si Vince dela Torre sa Enero, Rogelio Enriquez sa Pebrero, Amado Olea sa Marso, Rosendo Yamyamin sa Abril, ug Reynaldo Flores sa Mayo. (ESL)