Mipahigayon og Shoot-For-A-Cause ang Cebu Federation of Beat Journalists (CFBJ) kagahapon, Septiyembre 11, sa Front Sight Gun Club Inc., Barangay Tubod, Minglanilla.

Ang maong torneyo gisalmutan sa mga tirador sa managlahi nga police units ug law enforcement agencies. Misalmot pud ang civilian gun enthusiasts.

Mitambong isip bisita sa maong torneyo si Cebu Governor Gwendolyn Garcia.

Ang maong torneyo giorganisar sa CFBJ kauban ang Police Regional Office (PRO) 7 isip kabahin sa mga kalihukan sa Press Freedom Week nga gisaulog sa buwan sa Septiyembre.

Ang kita sa maong kompetisyon ihatag sa CFBJ isip suporta sa emergency ug health program alang sa mga miyembro sa organisasyon.

Ang CFBJ, usa ka Cebu-based media organization nga gilangkuban sa 100 ka media practitioners nga gatrabaho sa legitimate media outfits sa Sugbo.

Mitambong usab sa kompetisyon sila Police Col. Atty. Antonito Cañete sa Regional Community Affairs & Development Division sa PRO 7, ug Jail Chief Superintendent Efren Nemeño sa Bureau of Jail Management and Penology (BJMP)-7.