GITAKTAK sa New York Knicks ang ilang headcoach nga si David Fizdale, kini sigon sa taho ni Adrian Wojnarowski sa ESPN.

Matod pa niadto pa diayng wa pa magsugod ang season ang hugonhugon nga tangtangon si Fizdale apan wa kini mahinayon sanglit walay mga pangalan nga nahisgutan nga makapuli unta kaniya.

Nagtuo ang management nga makasulod sa playoffs karong tuiga ang Knicks apan ning sayong bahin sa season misihag na man hinuon nga layo ra ang ilang pagtuo.

Sa ilang pinakauwahing makauuwaw nga kapildihan sa Nuggets, si Fizdale nga usa ka dakong sakit sa team.

Gikan niadto wa abti og 24 oras, ang Knicks mipahibawo sa ilang pagtaktak sa coach kinsa anaa na unta sa iyang ikaduhang season sa team.

Ang mga assistants nga sila si Mike Miller ug Pat Sullivan maoy pili-an kon kinsa ang mamahimong interim coach sa team. (JBM)