BISA’G wala si JuneMar Fajardo, ang San Miguel Beermen magpabiling title contender sa umaabot nga 45th Philippine Basketball Association (PBA) Philippine Cup nga sugdan karong Marso 8, 2020 sa Smart Araneta Coliseum.

Mao kini ang hiniusang pagtuo sa mga coach sa PBA nga sila si Yeng Guiao sa NLEX Road Warriors, Chito Victolero sa Magnolia Ang Pambansang Manok Hotshots ug Johndel Cardel sa Blackwater Elite.

“Of course, June Mar is a big piece of the San Miguel core,” matod ni Guiao sa interbyu sa Spin.ph.

“But knowing San Miguel, they’ll find ways to plug that hole. Of course, that’s a big hole but I’m sure they’ll find ways.”

Si Fajardo, kinsa produkto sa University of Cebu (UC) Webmasters, nabalian og bukog sa iyang tuo nga bitiis atol sa praktis sa Beermen.

Nagkinahanglan og taas nga panahon ang pagpaalim ni Fajardo. (ESL)