PORMAL nga sugdan karong Sabado ang PJ Cup 2019 Basketball and volleyball tournament nga pagasalmotan sa mga municipal ug barangay officials sa 3rd District sa Cebu Province.

Ang opening day sa nahisgutang kompetisyon anha himuon sa lungsod sa Pinamungajan sa alas 3 sa hapon.

Unom ka mga lungsod ug usa ka siyudad ang mosalmot sa panagtigi.

Kini mao ang kalungsoran sa Tuburan, Asturias, Balamban, Pinamungajan, Aloguinsan, Barili ug dakbayan sa Toledo.

Gipaabot nga motambong sa opening day ang mga mayor ug ubang opisyal sa tagsatagsa ka mga lungsod.

Ang mga duwa ipahigayon matag Sabado. (JBM)