KOMPIRMADONG aduna gyuy gisi sa atubangang bahin sa wala nga paa ni DeMarcus Cousins hinungdan nga dili na siya makaduwa sa Golden State Warriors ning sayong bahin sa playoffs sa National Basketball Association (NBA).

Kini maoy sigon sa nakita sa MRI examination kagahapon. Matod sa Warriors, ang two-time defending NBA champion, nga si Cousins mosugod gilayon sa iyang pagpaalim ug obserbaran sa matag karon ug unya.

Nahitabo ang pagkaangol ni Cousins sa dihang nahagba siya as sawog sa first quarter sa Game One sa first round playoff diin sila napildi sa Los Angeles Clippers.

Kini sa dihang iang natapi ang bola gikan ni Patrick Beverly sa Clippers.

Matod ni coach Steve Kerr nga si Cousins dili makapakita og aksiyon sulod sa pipila ka duwa sa nagpadayon nga playoffs apan nanghinaot siya nga maalim kini sa madaling panahon ug makaabot sa playoffs. (JBM)