Makuhaan og key player ang Terrafirma Dyip sa Philippine Basketball Association (PBA) Philippine Cup.

Gianunsiyo ni team manager Ronald Tubid nga ang guard nga si Ed Daquioag di na makaduwa sa Philippine Cup tungod sa fracture sa iyang right fibula.

Si Daquioag napiang sa third quarter sa duwa sa Terrafirma batok sa Northport niadtong Sabado sa Ynares Center sa Antipolo.

Gipahibalo kini ni Tubid human niya makaestorya ang team doctors ug physical and strength conditioning coaches kagahapon.

“Follow up Xray will be made in a month to see the alignment,” matod ni Tubid sa report sa Spin.ph.

Si Daquioag nag-average og 9.0 puntos, 5.50 rebounds ug 3.50 assists sa duha ka duwa.

Ang Terrafirma adunay 0-2 (win-loss) nga baraha. Aduna pa silay siyam ka duwa ang Dyip alang sa Philippine Cup.