GIBAWSAN sa host Davao Occidental Tigers ang host San Juan Knights, 67-60, sa Game 2 aron tablahon ang Maharlika Pilipinas Basketball League (MPBL) Datu Cup finals best-of-five series niadtong Sabado sa gabii sa Rizal Memorial College Gym.

Gipangulohan ni Billy Ray Robles ang kadaugan pinaagi sa iyang 17 puntos ug walo ka rebounds samtang nidugang og 16 puntos ug 10 rebounds si Mark Yee.

Ang Knights gipangulohan ni Mike Ayon Ayon pinaagi sa iyang 17 puntos samtang nitunol og 11 puntos si Larry Rodriguez.

Ang mga nangulo sa kadaugan sa Knights sa Game 1 nga sila si Mark Cardona ug John Wilson nalimitahan ning higayuna ug igo lang kining nagkumboya og 14 puntos.

Ang Game 3 ipahigayon ugma ug motapon na kini sa balwarte sa Knights. (ESL)