MAKIGSINUMBAGAY si Harmonito Dela Torre batok kang Chinese prospect Yang Yonquiang sa undecard sa Manny Pacquiao vs. Lucas Matthysse world title fight karong Hulyo 15 sa Axiata Arena sa Kuala Lumpur, Malaysia.

Si Dela Torre, kinsa ubos sa pagdumala ni Sanman Promotions CEO JC Manangquil, mobangon og suway gikan sa labing una niyang kapildihan nga nasinati batok kang Togstsogt Nyambayar (UD) niadtong Nobiyembre sa miaging tuig sa Las Vegas, USA.

“Harmonito is very confident and has been looking good in the training. He’s been here before so there’s no pressure on his part,” matod ni Manangquil sa interbyu sa Sun.Star Cebu, igsuong buhatan ning mantalaan.

Si Dela Torre, 24, naggunit og 19-1, 12KOs nga rekord samtang si Yang adunay 10-0, 7KOs nga baraha. (EKA, ESL)